Intego Yacu
Intego ya RMB ni ukugenzura no gucunga umutungo kamere w’amabuye y’agaciro,kariyeri, peteroli na gazi.
RMB ifite inshingano zikurikira:
1) gushyiraho politiki, ingamba n’amabwiriza bigenga umutungo kamere w’amabuye y’agaciro, kariyeri, peteroli na gazi mu nyungu z’Igihugu;
2) kugenzura ko abafite impushya bubahiriza ibiteganywa n’amategeko, amabwiriza n’ibipimo ngenderwaho bigenga ubucukuzi bwa mine, peteroli na gazi mu Rwanda;
3) kugira inama Guverinoma mu bijyanye n’amabuye y’agaciro, peteroli, gazi na kariyeri;
4) gukora ubushakashatsi mu bya jewoloji, mine, peteroli na gazi, no kumenyekanisha ibyabuvuyemo
5) gukora ibikorwa by’ubushakashatsi ku mutungo w’amabuye y’agaciro na kariyeri mu Gihugu;
6) gukora ibikorwa byo gushakisha umutungo wa peteroli na gazi muGihugu;
7) gutanga impushya zo gushaka,gucukura, kongerera agaciro no gucuruza amabuye y’agaciro na kariyeri;
8) gutanga impushya zo gushaka, no kubyaza umusaruro peteroli na gazi;
9) kugenzura ibikorwa bijyanye n’ubushakashatsi, ubucukuzi, kongerera agaciro no gucuruza amabuye y’agaciro na kariyeri;
10) kugenzura ibikorwa bijyanye n’ubushakashatsi no kubyaza umusaruro peteroli na gazi;
11) gukurikirana no gusuzuma imiterere y’isoko ry’umutungo w’amabuye y’agaciro, kariyeri peteroli na gazi;
12) kugenzura ibiza biterwa n’imiterere y’isi, ibindi bijyanye na byo no kugira inama Guverinoma;
13) gushyikirana no gukorana n’ibindi bigo mu rwego rw’akarere no mu rwego mpuzamahanga bihuje intego.
RMB ifite ububasha bukurikira:
1) gukora igenzura ahakorerwa ibikorwa bifitanye isano n’umutungo kamere w’amabuye y’agaciro, kariyeri, peteroli, na gazi, hagamijwe kureba
2) iyubahirizwa ry’inshingano z’uwahawe uruhushya;
3) gukora ibikorwa bibyara umutungo;
4) gutanga ibihano byo mu rwego rw’ubutegetsi ku batubahirije amategeko n’amabwiriza agenga umutungo kamere w’amabuye y’agaciro, kariyeri, peteroli na gazi;
5) gufasha mu ikemurwa mu bwumvikane ry’impaka zivuka mu bikorwa bifitanye isano n’umutungo kamere w’amabuye y’agaciro, kariyeri, peteroli na gazi.